नुवाकोट – नुवाकोटमा कोरोना लागेर ज्यान गुमाउनेको सङ्ख्या तीन पुगेको छ ।
लिखु गाउँपालिकाको वडा नम्बर २ स्थित ६६ वर्षको एक महिलाको आज मृत्यु भएसगैँ नुवाकोट जिल्लाभित्रै कोरोनाको कारण ज्यान गुमाउनेको सङ्ख्या तीन पुगेको हो ।
स्वास्थ्य कार्यालय नुवाकोटका सूचना अधिकृत उत्तमराज खनालकाअनुसार कोरोना रोगबाट सङ्क्रमित भएका ती महिला घरको एकान्तबाँसमा रहेको समयमा आज मृत्यु भएको हो । ती महिला गएको बैशाख १६ गते खुट्टामा समस्या भएसगैँ जाँच गराउन त्रिशूली अस्पतालमा गएको र सोही समयमा गरिएको पिसिआर परीक्षणको १८ गते आएको नतिजामा कोरोना रोग भएको देखिएको थियो ।
खुट्टामा क्यान्सर भएर उपचारको लागी अस्पताल गएको ती महिलामा कोरोना रोगको कारण देखाएर उपचार नगरी फिर्ता गरेर घरकै एकान्तबासमा बस्न पठाइएकाले उक्त खुट्टाको क्यान्सरको असर बृद्धि हुदै गएर मृत्यु भएका र सँगसँगै कोरोनाको प्रभावपनि देखिएको परिवारका सदस्यले बताएका छन् ।
प्रतिक्रिया