प्रदर्शकको छाता संस्था चलचित्र संघले नवनियुक्त चलचित्र विकास बोर्ड अध्यक्ष निकिता पौडेलको नियुक्तिलाई स्वागत गरेको छ । उसले पौडेलको नियुक्तिले निर्माण, प्रदर्शन र वितरणका पाटालाई समेट्ने भन्दै खुशि समेत व्यक्त गरेको छ ।
अध्यक्ष प्रदीपकुमार उदयले अध्यक्ष पौडेललाई कार्यालयमा स्वागत गर्दै बधाइ एवं शुभकामना दिए । उनले पौडेलको कार्यकालमा मिलेर काम गर्न संघ तयार रहेको समेत बताए ।
संघले सिनेमा दर्तालाई सहज बनाउनुपर्ने, वितरणलाई सजिलो तुल्याउनुपर्ने, इ–टिकेटिङमा जोड दिनुपर्ने लगायतका माग पौडेलसमक्ष राखेको छ । जवाफमा अध्यक्ष पौडेलले आगामी विहिबार पत्रकार सम्मेलनमार्फत कार्ययोजना सार्वजनिक गर्ने बताइन् ।
संघले पौडेललाई सम्मान समेत व्यक्त गरेको छ । उक्त अवसरमा संघका पदाधिकारी, प्राविधिक संघका अध्यक्ष पुष्कर लामा, क्यूएफएक्स सीइओ रोशन अडिगा, बरिष्ठ कलाकारहरु उपस्थित थिए । -मेरो सिनेमा
प्रतिक्रिया