२०७७, १४ फाल्गुन शुक्रबार
first nuwakot likhu chhahare business Expo

निर्वाचन शिक्षाको लगानी वालुवामा पानी, नुवाकोटमा २० हजार मत बदर

    पुष ३ २०७४ १४:३४


nepal Oil corporation advertisement dabali khabar

विदुर । निर्वाचन आयोगले मतदाता शिक्षा भन्दै करोडौं रुपैया खर्च गरेको छ । निर्वाचनमा बदर मतको संख्या घटाउने उद्देश्यले आयोगले मतदाता शिक्षाको नाममा रकम खर्चिएको हो । तर, उक्त खर्च अनुसारको मतदाता शिक्षामा मतदाताको पहुँच नपुगेको अहिले भएको निर्वाचनको मतगणनाबाट सार्वजनिक भएको छ ।

नुवाकोटमा मात्र २० हजार भन्दा धेरै मत बदर भएको छ । मतदाताहरुले हालेको मतको अबस्था हेर्दा प्रदेश सभा र प्रतिनिधी सभाको निर्वाचन एकै पटक भएको कारण पनि मत बदर संख्या बढेको निर्वाचनका कर्मचारीहरुको बताउँछन् । समानुपातिक तर्फ दुई वटा तहको मतदानको लागि पनि मतपत्र एकै भएको कारण बदर मत धेरै भएको हो । प्रत्यक्षमा भन्दा समानुपातिकमा नुवाकोटमा मत बदर धेरै भएको छ । निर्वाचन आयोगले समानुपातिकमा प्रतिनिधी सभा र प्रदेश सभाको लागि एकै मतपत्र छापेको कारण मतदाताहरुले माथि प्रतिनिधी सभाको लागि मात्र मत संकेत गरि तल खाली राखेको मतपत्र धेरै भेटिएको छ । समानुपातिकमा प्रदेश सभाको मत सबैभन्दा धेरै बदर भएको छ । प्रदेशसभाको समानुपातिकमा झण्दै १५ प्रतिशत मत बदर भएको छ । यो राष्ट्रिय मत बदरको प्रतिशतको आधारमा धेरै उच्च हो । प्रदेशको समानुपातिकमा नुवाकोटमा २० हजार ४ सय २ मत बदर भएको छ । १ लाख ३८ हजार ६ सय ३ मतमा १४.७२ प्रतिशत मत बदर भएको हो ।

प्रतिनिधी सभाको समानुपातितर्फ १३ हजार ७ सय अर्थात ९.८८ प्रतिशत मत बदर भएको छ ।

यस्तै, प्रत्यक्षतर्फ भने समानुपातिकको तुलनामा निकै थोरै मत बदर भएको छ । समानुपातिकमा प्रदेशसभामा धेरै मत बदर भएको थियो भने प्रत्यक्षमा भने प्रतिनिधी सभामा मत धेरै बदर भएको छ । प्रत्यक्षमा प्रतिनिधी सभामा ८ हजार ४ सय ३८ मत अर्थात ६.०५ प्रतिशत मत बदर भएको जिल्ला निर्वाचन कार्यालयले जनाएको छ । यस्तै, प्रत्यको प्रदेशसभातर्फ ६ हजार ३ सय २३ मत अर्थात ४.५३ प्रतिशत मत बदर भएको छ ।

जिल्ला निर्वाचन कार्यालयले हरेक मतदान स्थलको लागि एक/एक जना मतदाता साक्षरताको लागि कर्मचारी खटाएको थियो । स्थानीय तह निर्वाचनमा एउटा वडामा एक जनामात्र मतदाता शिक्षाको लागि कर्मचारी खटाएको कार्यालयले स्थानीय तहको भन्दा बदर मत घटाउने उद्देश्यले थप कर्मचारी खटाए पनि बदर मतको प्रतिशत भने झनै बढेको छ । एक महिना मतदाता शिक्षा दिइने भने पनि मतदाता शिक्षाको लागि आवश्यक सामग्री समयमा नआएको कारण २० दिनमा खटाइएको थियो ।

यो खबर पढेर तपाईलाई कस्तो महसुस भयो ?



Bachchhaladevi Suppliers
Diyo Pathshala Montessori

प्रतिक्रिया




Top