२१ पुस, नुवाकोट । नेकपा एमाले जिल्ला कमिटी नुवाकोटको छैठौ पूर्ण बैठक सम्पन्न भएको छ।

सोमबार विदुरमा बसेको बैठकले पार्टी र उम्मेदवारहरूको पक्षमा जनलहर सिर्जना गर्दै जनमत सङ्कलनको लागि केन्द्रीय कमिटीका सदस्य बिन्दा ढुङ्गानाको संयोजकत्वमा ४ हजार १ सय ७७ जना सदस्यहरुको जिल्लास्तरीय निर्वाचन परिचालन कमिटी गठन गर्ने निर्णय गरेको छ ।

आगामी फागुन २१ गते हुने प्रतिनिधिसभा निर्वाचनमा प्रत्यक्षतर्फ उम्मेदवारको लागि निर्वाचन क्षेत्र नम्बर १ बाट जिल्ला अध्यक्ष बद्री मैनाली र निर्वाचन निर्वाचन क्षेत्र नम्बर २ को लागि केन्द्रीय सदस्य केशवराज पाण्डेलाई क्षेत्रीय समन्वय कमिटीबाट सिफारिस भई आएकोलाई अनुमोदन गर्ने बैठकले निर्णय गरेको छ ।

यसैगरी पार्टीमा मनोनित जिल्ला कमिटीका थप २१ सदस्यहरूलाई सपथ गराईएको पार्टीका अध्यक्ष बद्री मैनालीले जानकारी दिए ।

उम्मेदवारहरूको उम्मेदवारी दर्ता गर्नको लागि व्यापक रूपमा जनपरिचालन गर्न र पार्टीको नीति तथा कार्यक्रमहरूलाई जनतासँग पुर्याउनको पालिकागत तथा वडागत कार्यक्रम तय गरेको छ ।