४ मङ्सिर, विदुर । बागमती प्रदेश सरकार, उद्योग, बाणिज्य, भूमि तथा प्रशासन मन्त्रालयद्वारा आयोजित आर्थिक वर्ष २०८२/८३ को नवप्रवर्तन उद्यमी सम्मान कार्यक्रम अन्तर्गत नुवाकोट जिल्लाका दुई उद्यमी छनौटमा परेका छन् ।

प्रदेशको आर्थिक विकासमा पुर्याएको योगदान दिएका म्यागङ गाउँपालिका-३, देउरालीमा रहेको चिया कृषि फर्मका प्रोप्राइटर सेल्कर तामाङलाई सर्वोत्कृष्ट उद्यमीको रूपमा छनोट भएका छन् । उनको नवप्रवर्तन र उद्यमशीलतालाई प्रदेश सरकारले उच्च मूल्याङ्कन गरेको हो।

त्यसैगरी, ककनी गाउँपालिका-२, हिलेभित्तामा रहेको नमुन्चेत कृषि फर्मकी प्रोप्राइटर कान्छीमाया तामाङलाई उत्कृष्ट उद्यमीको रूपमा सम्मान गरिएको छ। उनले कृषि क्षेत्रमा पुर्याएको योगदानको प्रशंसनीय गर्दै छनौटमा पर्न सफल भएको छ।

मन्त्रालयले स्थानीयस्तरमा उद्यमशीलता विकास र नवप्रवर्तनलाई प्रोत्साहन गर्ने उद्देश्यले यो कार्यक्रम सञ्चालन गर्दै आईरहेको छ।

उत्कृष्टमा परेका उद्यमीहरुलाई उद्योग दिवस २०८२ को समारोहमा सम्मान गरिने जनाएको छ ।