७ असार, नुवाकोट । प्रथम विदुर मेयर कप अन्तर वडास्तरीय क्रिकेट प्रतियोगिताको उपाधी वडा नम्बर ३ ले जितेको छ ।
विदुर नगरपालिका-५ तल्लो पिपलटारस्थित बागमती प्रदेशस्तरीय रंगशालामा भएको फाइनलमा विदुर-३ ले विदुर-४ लाई १०५ रनको अन्तरले हराउँदै उपाधि आफ्नो पक्षमा पारेको हो ।
शनिबार (आज) भएको फाईनल खेलमा विदुर-३ ले वडा नम्बर ४ लाई हराउँदै उपाधी चुमेको हो ।
टस जितेर पहिला ब्याटिङ गरेको वडा नम्बर ३ ले वडा नम्बर ४ लाई १८९ रनको लक्ष्य प्रस्तुत गरेको थियो ।
जवाफी ब्याटिङमा उत्रिएको वडा नम्बर ४ ले फितलो ब्याटिङ सुरुवात गर्दै ८३ रनमै सिमित भए ।
नुवाकोट क्रिकेट सङ्घ सहआयोजक रहेको प्रतियोगिताका विजेताले ५० हजार र उपविजेताले २५ हजार नगद पुरस्कारसहित तक्मा, ट्रफी र प्रमाणपत्र प्राप्त गरेका छन् ।
प्रतिक्रिया