नुवाकोट – म्यागङ गाउँपालिकामा भएको छैठौं राष्ट्रपति रनिङ शिल्डको उपाधि ग्रामसेवा माध्यमिक विद्यालय उचालेको छ ।
प्रतियोगतामा आठ स्वर्ण, आठ रजत र चार कास्य गरी कुल २० पदक प्राप्त गर्दै प्रथम हुन सफल ग्रामसेवा माविले राष्ट्रपति रनिङ शिल्डको उपाधि हात पारेको हो ।
प्रतियोगितामा आठ स्वर्ण, पाँच रजत र छ कास्य पदकसहित कुल १९ वटा पदक प्राप्त गर्दै देउराली मावि दोस्रो र चार स्वर्ण, दुई रजत र तीन कास्य पदकसहित ९ पदक प्राप्त गर्दै भुमेदेवी माध्यमिक विद्यालय तृतीय भएको थियो ।
गाउँपालिकाले बुधबारदेखि शुक्रबारसम्म आयोजना गरेको पुरस्कार वितरण कार्यक्रममा गाउँपालिका अध्यक्ष आशा तामाङले विद्यार्थीलाई रनिङ शिल्ड, प्रमाणपत्र, मेडल प्रदान गरे । उनले युवाहरूलाई खेलकुदतर्फ आकर्षित गर्न गाउँपालिकाले विद्यालयलाई खेलकुदमैत्री बनाउने र खेलको विकास गर्दै गाउँपालिकाबाट राष्ट्रिय तथा अन्तर्राष्ट्रिय खेलाडी उत्पादन गर्न पालिका लागिपरेको बताए ।
प्रतिक्रिया