२०७८, ८ आश्विन शुक्रबार

नुवाकोटमा उकालो लाग्दै कोरोना ग्राफ, जेष्ठ महिनामा मात्र २६२१ सङ्क्रमित, २०३८ डिस्चार्ज

डबली खबर     जेष्ठ ३१ २०७८ १८:४७

corona infected statistic data of nuwakot jesth month 2
tribhuwan trishuli secondary school admission open
bidur tax

विदुर – नुवाकोटमा  कोरोना भाइरस (कोभिड-१९) संक्रमणको ग्राफ बढ्दै गएको छ।

स्वास्थ्य कार्यालय नुवाकोटको तथ्यांकअनुसार जेष्ठ महिनामा २ हजार ६२१ नयाँ सङ्क्रमित थपिएको छ भने २ हजार ३८ जना निको भएका छन् । यस्तै सङ्क्रमित हुनेमा पुरुष १ हजार ५९० जना र महिला १ हजार ५० जना सङ्क्रमित रहेका छन् ।

पछिल्लो २४ घण्टामा थप ७७ जनामा कोरोनाभाइरस संक्रमण पुष्टि भएको छ। १२६ जनाको नमूना पीसीआर र ५० को एन्टिजेन परीक्षणमा ५० पुरुष र २७ जना महिलामा संक्रमण देखिएको स्वास्थ्य कार्यालयका सूचना अधिकारी उत्तमराज खनालले बताए।

निको हुनेको ग्राफ

कार्यालयकाअनुसार सक्रिय संक्रमितको संख्या १ हजार १८६ पुगेको छ। जिल्लाभरका अस्पतालमा ४९, स्थानीय तहले निर्माण गरेको क्वारिन्टिनमा ८० जना र १ हजार ५० जना होम आईसोलेसनमा रहेका छन् ।

सोमबारको तथ्यांकअनुसार थप सङ्क्रमित हुनेमा विदुर नगरपालिकाका १६, दुप्चेश्वर गाउँपालिकाका ३२, लिखु १५, शिवपुरी १३ र ककनी गाउँपालिकाका १ जना रहेका छन् । योसँगै नुवाकोटमा कोरोनाबाट सङ्क्रमित हुनेको संख्या ४ हजार ५५० पुगेको छ ।

हाल विदुर नपाका २५४, बेलकोटगढीका १०७, ककनीका ७८, सुर्यगढ़ीका ११४, लिखुका ७०, शिवपुरीका ४३, पन्चकन्याका ३६, दुप्चेश्वरका १००, तादीका ७६, किस्पाङका ६०, म्यागङका ४२ र तारकेश्वरका २०६ जना होम आईसोलेसनमा उपचारत रहेका छन् ।

पछिल्लो २४ घण्टामा ७४ जना डिस्चार्ज भएका छन् । योसंगै नुवाकोटमा कोरोना सङ्क्रमणबाट ३ हजार ३३२ जना निको भएका छन् ।

हाल जिल्लामा ४११ क्वारेन्टाइन बेड रहेको छ। यस्तै जिल्लामा कोरोनाभाइरसको सङ्क्रमणबाट ३२ जनाको मृत्यु भएको छ।

प्रकाशित: जेष्ठ ३१ २०७८ १८:४७

प्रतिक्रिया



यो खबर पढेर तपाईलाई कस्तो महसुस भयो ?


Bachchhaladevi Suppliers
Nuwakot FM 106.8 MHz
Trishuli Web Design Services in Nuwakot
Radio Langtang
Radio Sanjiwani



Top