काठमाडौं – सरकारले अनलाइन सञ्चारमाध्यमलाई समेत लोककल्याणकारी विज्ञापन उपलब्ध गराउने अर्थमन्त्री युवराज खतिवडाले आगामी आर्थिक वर्ष २०७७/७८ को बजेट प्रस्तुत गर्दै यस्तो घोषणा गरेका हुन् ।
हाल छापा र प्रशारण माध्यमलाई मात्र लोककल्याणकारी तथा सरकारी विज्ञापन उपलब्ध गराइदै आएको छ ।
रेडियो प्रसारण माध्यमहरुको लागि यस वर्षको नविकरण शुल्क मिनाहा, रोयल्टी एक प्रतिशतमा सिमित र यस आव नविकरण छुटेका सबै सञ्चार माध्यमलाई अगामी पौष मसान्तसम्म नविकरण गरे जरिवाना र अन्य शुल्क छुट दिइने भएको छ ।
देशभर रेडियो पाठशाला चलाइने, जातीय एवम् सामाजिक सद्भाव अभिबृद्दी र स्थानीय भाषा र संस्कृतिकाे सम्वर्दनमा याेगदान पुर्याएका स्थानीय प्रसारण माध्यमलाई राज्यकाे तर्फबाट आवश्यक सहयाेग गरिने बजेटमा प्रस्तुत भएको छ ।
आव २०७६/७७ असारमसान्तसम्ममा ७ हजार ७ सय ६८ पत्रपत्रिका दर्ता भएका छन् भने १ हजार ९४ एमएम रेडियोहरुले अनुमति लिएको सूचना तथा प्रसारण विभागले जनाएको छ । यस्तै, १ सय ७४ टेलिभिजन प्रसारणको लागि अनुमति लिएको छ।
देशभर १३ हजार ५ सय पत्रकारहरु रहेको नेपाल पत्रकार महासंघले जनाएको छ।
प्रतिक्रिया