रोड परमिट नभएको भन्दै जिल्ला ट्राफिक कार्यलय नुवाकोटले आज एक थान अटो रिक्सा नियन्त्रणमा लिएको छ ।

यातायात व्यवस्था विभागसँग सञ्चालनको रुटपरमिट लिनुपर्नेमा नभए पछि नियन्त्रणमा लिइएको जिल्ला ट्राफिक कार्यलय नुवाकोटका इञ्चार्ज अर्जुन पौडेलले बताउनुभएको छ । दुई साता अघि नुवाकोट बट्टारका एक स्थानियले बिजुली बत्तीबाट चार्ज भई सञ्चालन हुने दुई वटा अटो रिक्सा नुवाकोट भित्राएका थिए ।

टेम्पो वर्गमा पर्ने उक्त अटो रिक्सा सञ्चालनको अनुमती लिंदा सि वर्गको हुनु पर्ने तथा तेश्रो पक्ष विमा अनि यात्रु विमा अनिवार्य भएको ट्राफिक प्रहरी कार्यालये जनाएको छ । दुई सातादेखि भाडाको नम्वर प्लेट मात्रै लेखेर स्थानीय बजारमा सञ्चालन भईरहेको अटो रिक्साको विषयमा यातायात ब्यवसायीहरुले समेत उजुरी गरेका थिए ।