विदुर, विनासकारी भुकम्पका कारण घर पूर्ण रुपमा क्षति भएका १८ हजार परिवारसँग निजी अनुदान सम्झौता सम्पन्न भएको छ । सवैभन्दा धेरै वेलकोट गाविसमा एक हजार एकसय चार, सवैभन्दा कम पञ्चकन्या गाविसमा सात जना लाभग्राहीसंग आवास अनुदान सम्झौता भएका छन् ।

६१ गाविस र विदुर नगरपालिका रहेको नुवाकोटका ४३ गाविसमा अनुदान सम्झौता भइरहेको पुर्ननिर्माण प्राधिकरण उपक्षेत्रीय कार्यालय नुवाकोटले जनाएको छ । विदुर नगरपालिकामा भने शनिवारदेखि अनुदान सम्झौता सुरु गरिने नगरपालिकाले जनाएको छ ।

हालसम्म १८ हजार दुई सय ४० लाभग्राहीसंग आवास अनुदान सम्झौता भएको भुकम्प पुर्ननिर्माण प्राधिकरण उपक्षेत्रिय कार्यालय विदुर नुवाकोटले जनाएको छ । समुन्द्रादेवी, सुनखानी, बेलकोट, बुधसिङ, फिकुरी, भाल्चे, तुप्चे, जिलिङ लगायतका ४३ गाविसमा आवास अनुदान सम्झौता सुरु भएको हो ।

हालसम्म सरकारवाट भुकम्प पीडितको विभिन्न सेवा पाइसेकेका तर आवास अनुदान पाउने सुचिमा नरहेका आठ हजार नौसय ७२ जनाका गुनासो उजुरी दर्ता भएका छन् । यी उजुरीको प्राधिकरणले विभिन्न निर्णयहरु गर्दै प्रक्रिया आवास अनुदान सम्झौता भएपछि राजनीतिक दलहरुवीच दुई किस्तामै रकम उपलब्ध गराउने सहमति भएको छ । सहमति दाताहरुसँग छलफल गरेर कायान्वयन गराउने भएपछि अहिले गरिएएको सम्झौतासमेत पुनरावलोकन गर्नुपर्ने हो कि होइन भन्ने अन्यौल थपिएको छ ।