३१ जेठ, नुवाकोट । त्रिशूली अस्पताल कोलेनीमा ओपीडी सेवाका लागि अनलाइन टिकटिङ सेवा ल्याउने भएको छ ।
अस्पतालमा सेवा लिन भोलि असार १ गतेदेखि अब घरमै बसेर अनलाइन माध्यमबाट सेवाग्राहीले टिकट काट्न सक्नेछन् ।
यो सुविधा अन्तरगत सेवाग्राहीले अस्पतालको अस्पतालको वेवसाइटबाट अनलाइन टिकट काट्न सक्नेछन् ।
स्वास्थ्य उपचारका लागि बिरामीले आफ्नो रोग अनुसारको ओपीडी शाखा (विभाग) छनोट गरी आफूले चाहेको मिति छनौट गरी टिकट काट्न सक्ने व्यवस्था गरिएको अस्पतालका निर्देशक डा. राजेन्द्र लामाले बताए ।
अस्पतालमा सेवाग्राहीले टिकटकै लागि घण्टौंसम्म लाइनमा बस्नु पर्ने बाध्यतालाई अन्त्य गर्न र सेवालाई थप गुणस्तर बनाउन अनलाइन सेवामा सुरु गर्न लागिएको अस्पताल व्यस्थापन तथा सञ्चालनका अध्यक्ष उपेन्द्र बुढाथोकीले बताए ।
प्रतिक्रिया