१४ वैशाख, विदुर । जारी बागमती प्रदेश मुख्यमन्त्री कप राष्ट्रिय महिला फुटबल प्रतियोगितामा रौतहट जिल्ला फुटबल संघ विजयी भएको छ ।
प्रतिगीयोगिताको दोस्रो खेलमा रौतहटले रिगल रिसोर्ट एन्फा मकवानपुरलाई ३-२ गोल अन्तरले पराजय गरे ।
खेलको पहिलो हाफमा रिगलकी सुशिला भुजेल १ गोल गरिन् ।
यस्तै, रौतहटकी सुनिता सुनुवारले २ गोल गरी आफ्नो समुहलाई अग्रता दिलाईन् ।
खेलको दोस्रो हाफमा रिगलकी सजिना स्याङताङ थप १ गोल गरी बराबरीमा पुर्याईन् ।
यसैगरी रौतहटकी पुनम चेमजोङले थप एक गोल गरी आफ्नो समूहलाई जीत दिलाईन् ।
खेलमा रौतहटकी सुनिता सुनुवार ‘प्लेयर अफ दि म्याच’ भईन् । उनले नगद पाँच हजार रुपैँया पुरस्कार प्राप्त गरिन् ।
नुवाकोट जिल्ला खेलकुद विकास समितिको आयोजनमा भएको प्रतियोगिता नुवाकोट आदर्श बहुमुखी क्याम्पस बट्टारको खेल मैदानमा वैशाख २० गतेसम्म हुनेछ ।
लेखकको बारेमा
प्रतिक्रिया