२७ पुस, कोलोनी । अन्तर पालिकास्तरीय महिला भलिबल प्रतियोगिता नुवाकोटको उपाधि म्यागङ गाउँपालिकाले जितेको छ ।

राष्ट्रिय एकता दिवस तथा ३०३ औं पृथ्वी जयन्तीको अवसरमा विदुर नगरपालिकाको आयोजनामा भएको प्रतियोगीतामा म्यागङले फाईनल खेलमा लिखु गाउँपालिकालाई २५–११ र २५–२० को सोझो सेटमा पराजित गर्दै उपाधि जितेको हो ।

सेमिफाईनल खेलमा तादी गाउँपालिकालाई २५–११ र २५–१५ को सोझो सेटमा पराजित गर्दे म्यागङ फाईनल प्रवेश गरेको थियो ।

यस्तै, किस्पाङ गाउँपालिकालाई २५–१३ र २५–१२ को सोझो सेटमा पराजित गर्दे लिखु फाईनल प्रवेश गरेको हो ।

जिल्ला भलिबल संघको व्यवस्थापनमा भएको प्रतियोगितामा पाँच वटा पालिकाहरुको सहभागिता रहेको संघका अध्यक्ष सुबास पाण्डेले जानकारी दिए ।