नुवाकोट – श्रीकृष्ण प्रणामी युवा परिषद् नेपालले २० विपन्न परिवारलाई खाद्यान्न सहयोग गरेको छ ।
असोज २१ गते सोमबार विदुर नगरपालिका वडा नम्बर ४ का वडाअध्यक्ष निलमबाबु ढुङ्गेलको उपस्थितिमा संस्थाका अध्यक्ष हरीकृष्ण तिमिल्सिनाले खाद्यान्न सामाग्री प्रदान गरेका हुन् ।
दसैंको अवसरमा परिषदको जिल्ला समिति नुवाकोटले विदुर नगरपालिका वडा नम्बर ४ क्षेत्रभित्र रहेका विपन्न २० परिवारलाई खाद्यान्न सहयोग गरिएको संस्थाका सचिव विशवराज भट्टराईले जानकारी दिए ।
संस्थाको सामाजिक उत्तरदायित्व अन्तर्गत दैनिक ज्यालादारीमा काम गर्दै जिविकोपार्जन गर्दै आएका परिवारहरुले दसैंमा असहज नहोस् भनि खाद्यान्न प्रदान गरिएको संस्थाका अध्यक्ष तिमिल्सिनाले बताए ।
प्रतिक्रिया