विदुर – तेस्रो एनयुएफसी फुटसल कप फुटसल प्रतियोगितामा भोलि साउन ३१ गतेदेखि भदौ १ गतेसम्म हुने भएको छ ।
नुवाकोट युनाइटेड फुटबल क्लबको आयोजनामा बट्टारमा हुन लागि रहेको विद्यालयस्तरीय फुटसल प्रतियोगितामा छात्रातर्फ १२ र छात्रतर्फ २५ समुहको सहभागिता रहेको क्लब अध्यक्ष रामकुमार कोइरालाले जानकारी दिए ।
लिगकम नकआउटका आधारमा खेलाइने प्रतियोगिताको दुवै विधाका विजेता र उपविजेताले नगद पुरस्कारसहित ट्रफी, मेडल र प्रमाणपत्र प्राप्त गर्ने छन् ।
प्रतियोगितामा उत्कृष्ट खेलाडी, गोलरक्षक, सर्वाधिक गोलकर्ता र उत्कृष्ट प्रशिक्षकले नगद पुरस्कारसहित शिल्ड, मेडल र प्रमाणपत्र प्राप्त गर्ने आयोजकले जनाएको छ ।
प्रतियोगिताभर लिग, प्रि क्वार्टर, क्वार्टर, सेमिफाइनल र फाइनल खेल गरी ५९ खेल खेलाईने छ।
