नुवाकोट – जारी नुवाकोट जिल्लास्तरीय लिग छनौट नकआउट फुटबल प्रतियोगिताको सेमिफाईनलमा पिपलटार फूटबल क्लब प्रवेश गरेको छ ।
आज आईतबार बिहान भएको खेलमा पिपलटारले युनाईटेड युथ क्लबलाई ४–० गोल अन्तरले पराजित गर्दै सेमिफाइनल यात्रा तय गरेको हो ।
पिपलटारको तर्फबाट कप्तान प्रदिप हमालले ह्याट्रिक गरेका थिए भने सबिन तामाङले एक गोल गरेका थिए ।
पिपलटारले फाईनल प्रवेशको लागि बट्टार युथ क्लब र आर्शिवाद युवा क्लबसँग मंगलबार खेल्नेछ ।
नुवाकोट फुटबल सङ्घले आयोजना गरेको प्रतियोगितामा जिल्लाका विभिन्न १० क्लबहरुको सहभागिता रहेको सङ्घका अध्यक्ष देवनारायण चित्रकारले जानकारी दिए ।
प्रतिक्रिया