नुवाकोट – विदुर सिटि युथ क्लबको आयोजनामा नुवाकोटको बट्टारमा मैत्रीपूर्ण फुटबल खेल भएको छ ।
सदरमुकाम विदुरमा रहेको विन्द्रला समुह र गणेश समुहबीच भएको मैत्रीपूर्ण फुटबल खेलको पूर्ण अवधिमा दुवै टिमले ३–३ गोल गरेको क्लबका स्वास्थ्य तथा खेलकुद संयोजक सुमन श्रेष्ठले जानकारी दिए ।
शनिबार बिहान नुवाकोट आदर्श बहुमखी क्याम्पस खेलमैदानमा भएको खेलमा नुवाकोट फुटबल संघका अध्यक्ष देवनारायण चित्रकारले खेलका मुख्य निर्णायक रामकुमार कोइरालालाई बल हस्तान्तरण गरी खेलको सुरुवात गरिएको थियो ।
फागुपूर्णिमाको अवसरमा उक्त मैत्रीपूर्ण फुटबल खेल आयोजना गरिएको क्लबका अध्यक्ष सुनिल श्रेष्ठले बताए । साथै विदुरवासीबीच फुटबल खेलबाट एकआपसमा जोड्दै आपसी भाईचारा सम्बन्धको विकास गर्ने र खेलप्रति लगाव भएकालाई समेटर खेलाडीहरुको उत्पादन गर्ने लक्ष्य समेत रहेको क्लबका अध्यक्ष श्रेष्ठले बताए ।
उक्त मैत्रीपूर्ण खेल अवलोकन गर्न विदुर नगरपालिका वडा नम्बर २ का वडाध्यक्ष दिपक कायस्थ, वडा नम्बर ४ का वडाध्यक्ष निलमबाबु ढुंगेल, नेपाल पत्रकार महासंघका केन्द्रीय सदस्य ध्रुवकुमार रावल, युवा परिषद नुवाकोटका अध्यक्ष उद्धव पनेरुलगायत स्थानीयवासीको सहभागी भएका थिए ।
जिल्लास्तरीय खेलका विदुरका पूर्वखेलाडीहरु समेतको सहभागिता रहेको मैत्रीपूर्ण फुटबल खेलले स्थानीयलाई उत्साह थपेको स्थानीय राजेन्द्र पाण्डेले बताए ।
खेलमा नुवाकोट युनाइटेड फुटबल क्लबको प्राविधिक सहयोग रहेको आयोजक क्लबका सचिव प्रदिपकुमार पण्डितले जानकारी दिए ।
खेलको पूर्ण भिडिओ
प्रतिक्रिया