२०८०, १६ फाल्गुन बुधबार
social securities awareness bidur municipality

विदुरको उपाधि म्यागङलाई

डबली खबर     माघ २१ २०८० १९:००

myagan win bidur mayor cup 2080
pratik book and stationery center in nuwakot

नुवाकोट – विदुर मेयर कपको उपाधि म्यागङ गाउँपालिकाले उचालेको छ ।

विदुर नगरपालिका र नुवाकोट फुटबल संघको आयोजना अन्तर पालिकास्तरीय फुटबल प्रतियोगितामा म्यागङले आयोजक समुह विदुरलाई ३-२ गोलअन्तरले हराएको हो । यो सँगै म्यागङ नुवाकोट च्याम्पियन बनेका छन् ।

म्यागङका तेजबहादुर घलेले १ र जर्सी नम्बर १० का अजय वाइवाले २ गोल गरेका थिए भने विदुरका जर्सी नम्बर १० का सन्तोष थापाले २ गोल गरेका थिए ।

खेलमा म्यागङका घले म्यान अफ दि म्याच खेलाडी घोषित भए ।

प्रतियोगिताको विजेता टोलि म्यागङले नगद ४ लाख ४ हजार ४ सय ४४ रुपैयाँ र उपविजेता विदुरले २ लाख २ हजार २ सय २२ नगद पुरस्कारसहित ट्रफी, मेडल र प्रमाणपत्र प्राप्त गरे ।

विजेता र उपविजेतालाई बागमती प्रदेशका आर्थिक मामिला तथा योजना मन्त्री बहादुरसिंह लामाले पुरस्कार प्रदान गरे ।

प्रतियोगितामा जिल्लाका दुई नगरपालिकासहित १० स्थानीय तहको सहभागिता रहेको थियो ।

प्रतिक्रिया


nuwakot trishuli graphic web media service 2020

Top