नुवाकोट – विदुर मेयर कप फुटबलमा आजबाट सेमिफाइनलका खेल सुरु हुँदैछन् ।
बट्टार खेल मैदानमा अपराहन्न १२ बजे सुरु हुने पहिलो सेमिफाइनलमा म्यागङ र सूर्यगढीबीच प्रतिस्पर्धा हुनेछ ।
यसैगरी दिउँसो ३ बजे नुवाकोट जिल्ला अन्तरपालिकास्तरीय फुटबल प्रतियोगिताको सेमिफाइनलको दोस्रो खेल विदुर र शिवपुरीबीच हुदैँछ ।
खेलमा चारै टोली जित निकाल्दै फाइलनमा प्रवेश गर्ने लक्ष्यका साथ मैदानमा उत्रँदै छन् । म्यागङ र शिवपुरी समुहको शिर्ष स्थानमा उक्लदै सेमिफाइनलमा प्रवेश गरेको हो ।
१० पालिका टिम सहभागी प्रतियोगिताको विजेताले ४ लाख ४ हजार ४४४ र उपविजेताले २ लाख २ हजार २२२ रुपैयाँ पुरस्कार पाउने छन् ।
प्रतियोगितामा सर्वोत्कृष्ट खेलाडी, गोलरक्षक, गोलकर्ता, डिफेन्डर, मिड फिल्डर, फरवार्ड लगायतले नगद पुरस्कार प्राप्त गर्नेछन् ।
यही माघ १३ गतेदेखि सुरु भएको प्रतियोगिताको फाइनल खेल माघ २० गते शनिबार हुनेछ ।
प्रतिक्रिया