एक नम्बर विजयी

डबली खबर     पुष २८ २०८० १८:५३

bidur municipality ward no 1 wins veterans football tournament 2080 in nuwakot
social securities awareness bidur municipality
bagamati province sanchar registrar office

नुवाकोट – ४० वर्ष भन्दामाथि उमेर समुहको अन्तरजिल्ला वडा कप फुटबल प्रतियोगितामा विदुर नगरपालिका वडा नं १ विजयी भएको छ ।

३०२औं पृथ्वी जयन्ती तथा राष्ट्रिय एकता दिवसको अवसरमा आयोजित भेट्रान्स कप प्रतियोगिताको फाइनलमा विदुर नपा-३ लाई ४ गोलको अन्तरले पराजित गर्दै १ नम्बर वडा विजयी भएको हो ।

शहिद जगतप्रकाशजंग शाह संस्कृत माध्यमिक विद्यालयको खेलमैदान भएको सेमिफाइनलको खेलमा १ नम्बर वडाले बेलकोटगढी नपा-८ लाई ४ गोलले पराजित गर्दै फाइनल प्रवेश गरेको थियो । यस्तै, विदुर नपा-३ ले ४ नम्बर वडालाई सेमिफाइनलमा हराउँदै फाइनलमा प्रवेश गरेको थियो ।

विजेता तथा उपविजेतालाई विदुर नगरपालिका-५ का वडाध्यक्ष लिलानाथ न्यौपाने र ३ नम्बरका वडाध्यक्ष बद्री रिमालले संयुक्तरुपमा नगद पुरस्कार, ट्रफी, मेडल र प्रमाणपत्र वितरण गरे । विजेताले २५ हजार र उपविजेताले १५ हजार नगद पुरस्कार प्राप्त गरेका छन् ।

खेलमा विजयी समुह १ नम्बर वडामा न्यूस्टार क्लबका चर्चित खेलाडी कहलिएका खेलाडीहरुको पनि सहभागिता रहेको थियो ।

पृथ्वी स्मारक संरक्षण समिति र देवीघाट जालपा क्लबको संयुक्त आयोजनामा भएको प्रतियोगितामा विदुर र बेलकोटगढी नगरपालिकाका ६ वडाहरुको सहभागिता रहेको थियो ।

खेलमा पूर्णलाल चित्रकार र बुद्धिबहादुर डंगोल र भुवन डंगोलले रेफ्रीको भूमिका निभाएका थिए ।

प्रतिक्रिया


nuwakot trishuli graphic web media service 2020

Top