नुवाकोट – अन्तर विद्यालयस्तरीय टि-२० क्रिकेटमा त्रिभुवन त्रिशूली माध्यामिक विद्यालय विजयी भएको छ । खेलमापछि परेको त्रिभुवनले विजयी सुरुवात गरेको हो ।
नुवाकोट क्रिकेट संघको आयोजनामा भएको प्रतियोगितामा त्रिभुवनले सुभेनियर बोर्डिङ स्कूललाई ३८ रनले हराउँदै विजयी भए । त्रिभुवनले ९३ रन र सुभेनियरले ५५ रन बनाउन सफल भए ।
फाइनल खेलको म्यान अफ दि म्याच त्रिभुवनका हसन खान भए । खानले ४ विकेट लिए ।
नुवाकोट आदर्श बहुमुखी क्याम्पसको खेलमैदानमा भएको प्रतियोगितामा विजेता र उपविजेताले ट्रफी, मेडल र प्रमाणपत्र प्राप्त गरे । विजेता र उपविजेतालाई बागमती प्रदेश क्रिकेट संघका सदस्य अनुजमान श्रेष्ठले ट्रफी, मेडल र प्रमाणपत्र वितरण गरे । विजेता त्रिभुवनले एक थान ब्याट प्राप्त गरे ।
प्रतियोगिताभरीकै त्रिभुवनका रिसु कलवार सर्वोत्कृष्ट खेलाडी र सुभेनियरका भविष्य थापा उत्कृष्ट ब्याटर घोषित भए ।सुभेनियरका जोहन जेके उत्कृष्ट बलर र नवउदयमान खेलाडी घोषित भए ।
प्रतियोगिताभर सुभेनियरका थापाले ७० रन र जेकेले ३४ रन र ७ विकेट बनाउन सफल भएका थिए ।
प्रतियोगितामा जिल्लाका सामुदायिक र निजीका छ विद्यालयहरुले सहभागिता जनाएको सङ्घका सचिव करण खतिवडाले जानकारी दिए ।
प्रतिक्रिया