नुवाकोट – सातौँ दक्षिण एसियाली कराँते च्याम्पियनसिपमा नुवाकोटकी पुष्पका लामाले स्वर्णपदक जितेकी छिन् ।
नेपाल कराते महासंघद्वारा आयोजित प्रतियोगिताको बेलकोटगढि नगरपालिका वडा नं ९ निवासी लामाले महिला ५० केजीमुनि विधामा स्वर्णपदक चुमिकी हुन् ।
शनिबार त्रिपुरेश्वरस्थित कभर्डहलमा भएको खेलमा पुष्पकाले फाइनलमा भारतकी ज्योतिलाई हराईन् ।
प्रतियोगिताको पहिलो दिन नेपालले १२ स्वर्ण पदक जितेको छ । भारतले १५ स्वर्णपदक, श्रीलंका (एनओसी टिम) र बंगलादेशले समान १/१ स्वर्ण पदक प्राप्त गरेका छन् ।
प्रतियोगितामा दक्षिण एसियाका राष्ट्र नेपालसहित बंगलादेश, भुटान, भारत, पाकिस्तान र श्रीलंकाले दुईदिने प्रतियोगितामा प्रतिस्पर्धा गर्नेछन् ।
लेखकको बारेमा
प्रतिक्रिया