विदुर – नवौं उद्योग दिवसको अवसरमा घरेलु तथा साना उद्योग कार्यालय नुवाकोटले दुई उद्यमीलाई सम्मान गरेको छ ।
दिवसको अवसरमा शुक्रबार आयोजित एक कार्यक्रमका बिच विदुर नगरपालिका-५ गंगटेमा सञ्चालित दुवाल ब्रदर्शका सुदर्शन दुवाल र म्यागङ गाउँपालिका-२ बुङताङमा सञ्चालित सानु कर्लेरी कृषि फर्मकी उर्जी तामाङलाई प्रमुख जिल्ला अधिकारी सुरेन्द्र पौडेलले दोसल्ला ओडाएर कदरपत्रले सम्मान गरेका हुन् ।
नुवाकोट उद्योग वाणिज्य संघ, नेपाल घरेलु तथा साना उद्योग महासंघ र जिल्ला लघु उद्यमी संघ नुवाकोटको सिफारिसलाई छनौट गरी उद्योग दिवसमा उद्यमी सम्मान गरिएको कार्यालय प्रमुख किशोर सापकोटाले जानकारी दिए ।
“स्वदेशी उत्पादन अभियानः उद्यमीको सम्मान” नाराका साथ मनाईएको उद्योग दिवसमा घरेलु कार्यालय परिसरमा जिल्लामा उत्पादित सामाग्रीहरुको प्रदर्शनी समेत गरेको छ ।
प्रतिक्रिया