नुवाकोट – शहीद स्मारक सी डिभिजन लिग छनोट प्रतियोगिताको तालिका सार्वजनिक भएको छ । मङ्गलबार अखिल नेपाल फुटबल संघले सातदोबाटोस्थित आफ्नो मुख्यालयमा तालिका सार्वजनिक गरेको हो ।
असोज ६ गतेदेखि उपत्यकाका सुरु हुने छनौट खेलमा ६० वटा क्लबलाई २० वटा समूहमा विभाजन गरेको छ । प्रत्येक समूहमा ३ वटा क्लब छन् । तालिकाअनुसार एक क्लबले २ खेल खेल्नेछन् ।
जसअन्तर्गत समुह ‘ओ’ मा नुवाकोट युनाइटेड फुटबल क्लबले च्याम्पियन व्वाईज फुटबल क्लब (भक्तपुर) र इमाडोल युनिटि क्लब (ललितपुर) सँग चरण खेल खेल्नेछन् ।
कात्तिक २४ गते समापन हुने लिगमा नकआउट चरणमा पुग्ने टोलीलाई दुई समूहमा विभाजन गरिने र समूहका विजेता दुई टोली ‘सी’ डिभिजन लिगमा छनोट हुनेछन् ।
छनोट हुने दुई टोलीबीच उपाधिका लागि फाइनल भिडन्त गराइले एन्फाले जनाएको छ ।
प्रतिक्रिया