विदुर – नुवाकोटमा थप ६९ जनामा कोरोनाभाइरस संक्रमणबाट मुक्त भएको स्वास्थ्य कार्यालयले जनाएको छ। योसंगै निको हुनेको संख्या ३ हजार ५९ पुगेको छ।
यस्तै, पछिल्लो २४ घण्टामा ६९ जना नयाँ सङ्क्रमित थपिएको छ । १२७ जनाको नमूना पीसीआर र ७९ जनाको एन्टीजेन परीक्षणमा ४४ पुरुष र २५ जना महिलामा संक्रमण देखिएको हो ।
कार्यालयकाअनुसार सक्रिय संक्रमितको संख्या १ हजार ९५ रहेको छ। जिल्लामा कोरोनाबाट सङ्क्रमित हुनेमा २ हजार ६४५ पुरुष र महिला १ हजार १८३ जना गरी कुल सङ्क्रमितको सङ्ख्या ४ हजार १८३ पुगेको छ ।
हाल जिल्लाभरका अस्पतालमा ३८ जना, स्थानीय तहले निर्माण गरेको क्वारिन्टिनमा ६३ जना र ९८५ जना होम आईसोलेसनमा रहेका छन् ।
अहिलेसम्म नुवाकोटमा कोरोनाभाइरस रोगबाट २९ जनाको ज्यान गएको छ भने १७ हजार २४४ जनाको पिसीआर परीक्षण गरिएको छ।
प्रतिक्रिया