विदुर, नुवाकोट – जिल्ला समन्वय समिति नुवाकोटका प्रमुख सन्तमान तामाङ कोरोनामुक्त भएका छन् ।
उनी बुधवार कोरोनामुक्त भएको जिल्ला स्वास्थ्य कार्यालय नुवाकोटले जनाएको छ ।
गत कात्तिक ३ गते गरिएको पिसिआर परिक्षण गर्दा उनीमा कोरोना संक्रमण पुष्टि भएको थियो । कोरोना संक्रमित भएका तामाङ होम आइसोलेसनमा बसेर उपचार गरिरहेका थिए ।
उनले आफु सङ्क्रमित भएपछि फेसबुक मार्फत एकहप्ताभित्र सम्पर्कमा रहेका सबैलाई पिसिआर परिक्षण गर्नको लागि अनुरोध गरेका थिए । साथै उनले पिसिआर परिक्षण गरेपछि पनि भेटघाट कम गरेको र सहभागी नभई नहुने भेटघाट र बैठकमा उपस्थिती जनाएतापनि स्वास्थ्य मापदण्ड अपनाएको फेसबुकमा पोस्ट गरेका थिए ।
प्रतिक्रिया