विदुर, नुवाकोट – नुवाकोट जिल्लामा कोरोना संक्रमितको संख्या ५७ पुगेको छ ।
राष्ट्रिय जनस्वास्थ्य प्रयोगशाला टेकुमा पिसिआर परीक्षणको क्रममा विदुर नगरपालिकाका १८, २२ र ४६ वर्षिय पुरुषहरुमा संक्रमण देखिएको स्वास्थ्य कार्यालय नुवाकोटका सूचना अधिकारी उत्तम खनालले जानकारी दिए। संक्रमति तिनै जना विदुर नगरपालिकाको क्वारेन्टिनमा रहेका थिए। सन्ध्या होटेलको क्वारेन्टाइनमा बसेका २ जना र त्रिशुलीमा रहेको क्वारेन्टाइनमा बसेका १ जना समेत गरि ३ जना पुरुषमा संक्रमण देखिएकाे हाे ।
याेसँगै विदुर नगरपालिकामा कोरोना सङ्क्रमितको सङ्ख्या १२ पुगेको छ ।
हालसम्म नुवाकोटमा ३७ जनाले कोरोनालाई परास्त गर्दै निको भइ घर फर्केका छन् । यस्तै, जिल्ला (त्रिशुली) अस्पतालमा १३ जना, खरानीटारमा १ जना र काठमाडौंस्थित अस्पतालमा ६ जना आइसोलेशन वार्डमा उपचारत छन्।
प्रतिक्रिया