२०८०, १६ चैत्र शुक्रबार

नुवाकोटमा पनि सरकारविरुद्ध सडक प्रदर्शन (फोटोफिचर)

डबली खबर     जेष्ठ ३० २०७७ १३:५५

coronavirus covid19 youth movement rally nuwakot
pratik book and stationery center in nuwakot
social securities awareness bidur municipality
bagamati province sanchar registrar office

नुवाकोट – लगातारको लामो लकडाउन गर्दा पनि कोरोना रोकथाम र उपचार लगायत भ्रस्टाचारमा समेत सरकारले प्रभावकारी काम नगरेको भन्दै नुवाकोटका युवाहरु सडकमा उत्रिएका छन् ।

सदरमुकाम विदुर चोकदेखि र्‍याली सुरु गरेर लोकतान्त्रिक चौतरामा पुगेर कोणसभा गरेको हो ।

देशभर युवाहरुले सरकारको कमजोर नीति र तयारीप्रति आक्रोश पोख्दै नुवाकोटमा पनि सडकमा उत्रेको युवा अगुवा मछिन्द्र प्याकुरेलले बताए । कमजोर व्यवस्थापनमा पनि युवाहरुको उल्लेख उपस्थितले कार्यक्रम शसक्त भएको र क्रमबद्ध रुपमा आगामी कार्यक्रम गरिने बताए ।

गृह मन्त्रालयले बिहीबार नै लकडाउनको उल्लंघन नगर्न चेतवानी सूचना जारी गरेको थियो । उल्लङ्घन गरेमा संक्रामक रोग नियन्त्रण ऐनअनुसार प्रदर्शनकारीलाई सरकारले एक सयदेखि ६ सयसम्म जरिवाना र एक महिनादेखि ६ महिनासम्म थुनामा राख्‍ने गरी कारबाही गर्न सक्ने प्रावधान रहेको व्यहोरा गृहले स्मरण गराएको थियो । 

कोरोना परीक्षणलाई नियन्त्रित गरेर संक्रमणलाई अनियन्त्रित बनाएको भन्दै प्रदर्शनकारी युवाहरुले प्लेकार्ड, फेस मास्क सहित सरकारको विरोध गरेका छन् । 

प्रदर्शनमा जिल्लाका शिक्षक, विद्यार्थी, व्यापारी लगायतको उपस्थिति रहेको अर्का युवा अगुवा शंकर पाण्डेले बताए ।

प्रदर्शन विरोध शान्तिपूर्ण गरेकाले प्रहरीले समेत हस्तक्षेप गरेनन् ।

फोटो फिचर

प्रतिक्रिया


nuwakot trishuli graphic web media service 2020

Top