विदुर – वन्यजन्तु मृग मारेको आरोपमा नुवाकोट प्रहरीले दुई जनालाई पक्राउ गरेको छ । सोमबार बिहान बेल्कोटगढी नगरपालिका ६ का ५९ वर्षीय मरिचमान लामा र उनका भतिज ४० वर्षीय घनसिहं लामा पक्राउ परेका हुन् ।
जंगलबाट मृग मारेर ल्याई घरमा काटिरहेको विशेष सूचनाको आधारमा प्रहरी र वन डिभिजन वन कार्यालय नुवाकोटबाट गएको संयुक्त टोलीले उनीहरुलाई नियन्त्रणमा लिएको जिल्ला प्रहरी प्रमुख अवीनारायण काफलेले जानकारी दिए ।
स्थानीयले उजुरी गरेको आधारमा खटेको टोलीले घरमा खानतलासी गर्दा मृगको टाउको नरहेको अवस्थामा उनीहरुलाई मासुसहित नियन्त्रणमा लिएर सव डिभिजन वन कार्यालयलाई बुझाइएको छ ।
जिल्ला प्रहरी प्रमुख काफ्लेका अनुसार दुवैमाथि वन्यजन्तु ऐन अनुसार कारबाहीको लागि जिल्ला अदालतको आदेश अनुसार थप अनुसन्धानको लागि १५ दिन हिरासतमा राखिएको छ ।
प्रतिक्रिया