गेर्खु, नुवाकोट/अजम्बरी साना किसान कृषि सहकारी संस्था लिमिटेडले विदुर नगरपालिका वडा नं. ११ को बितलमा स्थानिय कृषक महिलाहरुलाई पशुबीमा सम्बन्धि एक दिने तालिम सम्पन्न भएको छ ।
तालिम विदुर नगरकार्यपालिकाका पशु अधिकृत भरत पाण्डेले दिएका थिए । पाण्डेले तालिममा कृषकहरुलाई पशुबीमाको प्रकार र बीमाको फाइदाबारे कृषकहरुलाई जानकारी गराएका थिए ।
पशुपंक्षीको मृत्युबाट हुने क्षति घटाउन र पशुबीमा गरेर क्षति न्युनीकरण गराउन कार्यक्रम आयोजना गरिएको संस्थाका प्रतिनिधि निराजन प्याकुरेलले बताए ।
तालिममा ४० जना कृषक महिलाहरुको उपस्थिति रहेको थियो ।
प्रतिक्रिया