नुवाकोटका २ नगरपालिका र १० गाउँपालिकामा कर्मचारीको अभाव

विदुर/नुवाकोटको दुईवटा नगरपालिका, १० वटा गाउँपालिकाले कर्मचारीको अभाव झेलिरहेका छन् ।

कर्मचारी अभावले काम दुर्तगतिमा अघि बढ्न सकेको छैन । कर्मचारी अपुग भएकाले थोरै जनशक्तिबाट धेरै काम गर्नुपरेको तादी गाँउपालीकाले जनाएको छ । स्थानिय तहको पुनःसंरचना भएसँगै जिल्ला स्थित सरकारी कार्यालयहरु पनी सबै स्थानिय तहमा मिलान हुने भनिएता पनी हाल सम्म कार्यालय समायोजन हुन नसक्दा स्थानिय तहमा समस्या भएको छ । सम्बन्धित क्षेत्रको लागी स्थानिय तहले करारमा कर्मचारी नियुक्ति गर्न सकिने ब्यबस्था भएता पनी पछि कार्यालय समायोजन पश्चात समस्या हुने हुँदा स्थानिय तहहरु कर्मचारी नियुक्तिमा जान सकेका छैनन् ।

तर कार्यालयमा कर्मचारी अभाबले गर्दा सेवाग्राहिहरुको समस्या समाधान गर्न सकिएको छैन् । जिल्लाको पुरानो नगरपालिका विदुरको पनि कर्मचारी समस्या उस्तै रहेको छ । कार्यालयका लेखा अधिकृत, लेखापाल, र अन्य आवश्यक दरबन्दी नहुदा दैनिक कार्य प्रभावित भइरहेको छ ।
यस्तै, बेल्कोट गढी नगरपालीकामा पाी कर्मचारीको अबस्था उस्तै रहेको छ । नुवाकोटको नयाँ र दोश्रो नगरपालीकाको रुपमा रहेको बेल्कोटगढी नगरपालीकामा कार्यकारी अधिकृत, लेखापाल, सुचना प्रविधि अधिकृत, स्वास्थ्य संयोजक, बागवानी अधिकृत, ओभरसियर, सामाजिक परिचालक, सहयोगी गरी ८ जना छन् ।

नगरपालीकाको कार्य सञ्चालनका लागी तत्काललाई ६० जना कर्मचारी चाहिले कार्यादेश रहेको छ । तर ८ वजना कर्मचारीले ६० जना कर्मचारीको काम गर्नु पर्ने बाध्यता रहेको छ । एउटै सचिवले ४ वटा वडाको काम भ्याउनुपर्ने बाध्यता रहेको छ । कर्मचारी व्यवस्थापन कार्य्विधि नआउँदा समस्या भएको नगरपालिकाको भनाइ छ ।

कामको चापका कारण नगर प्रमुख, उप–प्रमुख कार्यकारी अधिकृत र लेखापालको बास कार्यालयमै भइरहेको छ । चारैजना कार्यालयमै बसेर नगरबासीलाई सेवा प्रदान गरिरहेका छन् । भुकम्प पीडितका लागि निर्माण गरिएको सामुदायिक भवनमा नगरपालिकाको कार्यालय रहेको छ ।

बेलकोटगढीको जस्तै समस्या अन्य स्थानीय तहको पनि यस्तै समस्या रहेको छ । सुर्यगढी, पञ्चकन्या, तादी, लिखु, शिवपुरी, ककनी, दुप्चेश्वर, तारकेश्वर, मेघाङ र किस्पाङ गाउँपालिकाको समस्या पनि उस्तै छ ।