नुवाकोट – दिन रात संघको आजोजनामा भएको सेभेन ए साइड महिला खुला नकाउट फुटबल प्रतियोगिता नुवाकोट युनाइटेड फुटबल क्लब च्याम्पियन बनेका छन् ।
धादिङको नीलकण्ठ नगरपालिका-१४ पात्ले खेलमैदानमा सोमबार दिउँसो भएको फाईनलमा नुवाकोट युनाइटेडले धादिङको विद्यार्थी उपकार संघलाई ७-१ को गोल अन्तरले पराजित गर्दै उपाधी जितेको हो ।
विजेता नुवाकोट युनाईटेडले ३० हजार र उपविजेता विद्यार्थी उपकारले १५ हजार नगद पुरस्कारसहित ट्रफी, मेडल र प्रमाणपत्र प्राप्त गरेका छन्।
यस्तै सेमिफाईनलमा रोकिएका मेन्दोफोले युवा क्लव र रिलोड फुटबल क्लबले ५/५ हजार नगद पुरस्कार प्राप्त गरेका छन् ।
प्रतियोगितामा नुवाकोट युनाईटेडकी जेनिफर राना सर्वश्रेष्ठ खेलाडी, सुशीला चौधरी उत्कृष्ट गोल रक्षक, मनिषा तामाङ उत्कृष्ट डिफेन्डर र एलिक्स तामाङ सर्वाधिक गोलकर्ता घोषित भएका छन् ।
प्रतियोगिताका प्रमुख अतिथि नीलकण्ठ नगरपालिका-१४ का वडाध्यक्ष नवराज दुवाडीले खेलकुदले युवा प्रतिभाहरूको विकासमा महत्वपूर्ण भूमिका खेल्ने बताउँदै भविष्यमा पनि यस्ता कार्यक्रमहरू निरन्तर सञ्चालन गर्न प्रोत्साहन दिएका छन् ।
महिला फुटबल प्रतियोगितामा १४ टिम सहभागी भएको थियो ।
प्रतिक्रिया