विदुर – नुवाकोटको तारकेश्वर गाउँपालिकामा थप ६ जनामा शनिबार कोरोना संक्रमण पुष्टि भएको छ।
गाउँपालिकाले निर्माण गरेको क्वारेन्टाइनमा बसेका एक बालकसहित ५ जना पुरुषहरुमा संक्रमण पुष्टि भएको जिल्ला स्वास्थ्य कार्यालयका सूचना अधिकारीले बताए।
कोरोना पुष्टि भएकाहरु ६ वर्षीय बालक सहित १९, २०, २५, २९ र ४५ वर्षका रहेका छन् । संक्रमित बिरामीलाई जिल्ला अस्पतालको आइसोलेशनमा राखिएको छ।
हालसम्म नुवाकोटमा कोरोना संक्रमित संख्या २३ पुगेको छ।
अहिले जिल्ला अस्पतालमा १० जना, खरानीटारमा ३ जना र शुक्रराज ट्रपिकल टेकुमा १ जना उपचारत रहेका छन् भने ९ जना उपचारपछि निको भएर घर फर्किसकेका छन्।
शनिबारनै तारकेश्वरमा गरिएको आरडीटि परिक्षणमा १३ जनामा पोजेटिभ र ५४ जनामा नेगेटिभ देखिएको छ।
प्रतिक्रिया