नुवाकोट – जिल्ला अस्पतालको आइसोलेशनमा रहेका थप तीन जनामा कोभिड-१९ को संक्रमण भएको पुष्टी भएको छ । यो संख्या सँगै नुवाकोटमा कोरोना संक्रमित १३ जना पुगेको छ ।
तारकेश्वर गाउँपालिकाको क्वारेन्टाईनमा रहेका ती युवाहरुमा शंकास्पद लक्षण देखापरेसँगै गत जेष्ठ ३१ गते शनिवारदेखि जिल्ला अस्पतालको आईशोलेसनमा उपचारको लागि राखिएको थियो ।
पिसिआर ल्याब हेटौंडाबाट प्राप्त रिपोर्ट अनुसार पोजेटिभ पुष्टी भएका जिल्ला स्वास्थ्य कार्यालयका सूचना अधिकारी उत्तम खनालले जानकारी दिए ।
संक्रमित बिरामीको स्वास्थ्य सामान्य रहेको छ । संक्रमित युवाहरु भारतबाट रोजगारीबाट घर फर्केका थिए ।
कोरोना संक्रमण पुष्टि भएसंगै स्थानीयतह संगको समन्वयमा कन्ट्याक्ट ट्रेसिङको काम समेत अघि बढाईएको कार्यालयले जनाएको छ ।
हालसम्म जिल्लामा ३ जना निको भएर घर फर्किसकेका छन्।
मंगलबार आरडीटि परीक्षण गरिएकोमा विदुर नगरपालिकाका १ जना र तारकेश्वर गाउँपालिकाका ६ जनामा पोजेटिभ देखिएको स्वास्थ्य कार्यालयले जनाएको छ।
प्रतिक्रिया