विदुर – जिल्ला अस्पताल त्रिशुलीमा गत मङ्गलबार कोभिड-१९ को र्यापिड डाइनोस्टिक परीक्षण (आरडिटि) रिर्पोर्टमा पोजेटिभ देखिएका १५ जनाको जनाको पिसिआर रिर्पोर्टमा १० जनाको नेगेटिभ देखिएको छ ।
नमुना स्वाब संकलन गरी परीक्षणको लागि राष्ट्रिय जनस्वास्थ्य प्रयोगशाला टेकु पठाइएका आईसोलेशनमा रहेका १ जना र ९ जनाको पिसिआर नेगेटिभ देखिएको अस्पतालका मेडिकल सुपरिटेण्डेण्ट डा. रेमकुमार राईले जानकारी दिए ।
पिसिआर रिर्पोर्ट नेगेटिभ आएपछि अस्पतालमा आईसोलेशनमा रहेकालाई आजै डिस्चार्ज गरिएकोे छ भने क्वारेन्टटाईनमा रहेकाहरुलाई पनि डिस्चार्ज गरिएको छ ।
आरटिडी ६१ जनामा नेगेटिभ
जिल्लाभरबाट आज शनिबार ६३ जनाको आरटिडी परिक्षण गरिएकोमा २ जनामा पोजिटिभ र ६१ जनामा नेगेटिभ देखिएको जिल्ला स्वास्थ्य कार्यालयका सूचना अधिकारी उत्तम खनालले जानकारी दिए।
नुवाकोटमा हालसम्म २ सय ३५ जनाको पीसीआर गरिएकोमा ६१ जनामा पोजिटिभ र १ सय ७४ जनाको रिपोर्ट आउन बाँकी नै रहेको खनालले जानकारी दिए।
यस्तै १५ सय ४० जनाको आरटिडी गरिएकोमा ३३ जनामा पोजिटिभ र १५ सय ७ जनाको नेगेटिभ देखिएको छ।
प्रतिक्रिया