विदुर – डिभिजन वन कार्यालय नुवाकोटका प्रमुख जयमंगल प्रसाद गुप्तालाई अख्तियारले पक्राउ गरेको छ ।
आज अख्तियार दुरूपयोग अनुसन्धान आयोग काठमाडौंबाट आएका टोलीले कार्यालयबाटै नगद एक लाख रुपैयाँ घुससहित उनलाई पक्राउ गरेको हो । उनलाई थप अनुसन्धानको लागि काठमाडौं लगिदैंछ ।
उनलाई सुर्यगढी गाउँपालिका-५ नयाँपुलमा सञ्चालन रहेको ढुङ्गाखानीबाट पैसा लिएको आरोपमा अख्तियारले पक्राउ गरेको हो । डिभीजन वन कार्यालयले उक्त खानी सञ्चालन गर्न रोक लगाएको थियो ।
यस अघि वनका कर्मचारीले बुधबार पञ्चकन्या गाउँपालिका-५ त्रिवेणीधामस्थित भद्रुटारमा स्थानीयवासीको सहयोगमा घाइते घोरललाई उद्धार गरेर वन कार्यालयमा ल्याएको केहि घण्टा मै हराएको थियो ।
प्रतिक्रिया