बिदुर । नुवाकोटमा नोभेल कोरोना भाईरस (कोभिड(१९) को संक्रमण रोकथामका लागि यहि चैत्र १२ गते बुधबारबाट नुवाकोट प्रवेश गर्ने सबै नाकाहरुबाट सवारी साधनहरु प्रवेशमा रोक लगाईएको छ ।
आज बसेको जिल्ला सुरक्षा समितिको बैठकले बुधबारदेखि एकहप्ता सम्मका बिहान ६ बजे देखि राती ७ बजेसम्म लागि जिल्ला प्रवेशमा रोक लगाईएको जिल्ला समन्य समिति नुवाकोटका प्रमुख सन्तमान तमाङले जानकारी दिए ।
जिल्लास्थित सबै नाकाहरुबाट तथा जिल्ला भित्रपनि अत्यावश्यक बाहेकका सवारी साधनहरु सञ्चालनमा रोक लगाउने निर्णय भएको छ । सवारी सञ्चालन गरेमा प्रचलित कानुन बमोजिम कारवाही गरिने निर्णय गरेको छ ।
नेपालमा पनि कोरोनाको सङ्क्रमणका बिरामी भेटिएपछि जिल्लामा उच्च सतर्कताको साथै सम्भावित जोखिमलाई मध्यनजर गर्दे जिल्ला सेमीलक गर्ने निर्णय भएको हो ।
जिल्लाभर अत्यावश्यक सेवाका सवारीसाधन बाहेकका अन्य साधनहरुको सञ्चालनमा निषेध गरेको छ ।
त्यस्तै बुधबारदेखि बिहान ६ बजे देखि राती ७ बजेसम्म पाँचजना भन्दा बढीको समुहमा भिडभाड नगर्न, हिड् डुल नगर्न, कार्यक्रम नगर्न, अत्यावश्यक काम बाहेक घरबाहिर ननिस्कन र सेल्फ क्वारेन्टाइनमा बस्न आम नागरिकलाई अनुरोध गरेको छ ।
प्रतिक्रिया