१० वैशाख, सुर्खेत । कर्णाली प्रदेशको राजधानी सुर्खेतमा दोस्रो संस्करणको डिजिटल कर्णाली सम्मेलन सुरू भएको छ ।
दुई दिनसम्म चल्ने सम्मेलन कर्णाली प्रदेश सरकार र आइसिटी फाउन्डेसन नेपालको संयुक्त आयोजनामा वीरेन्द्रनगरमा सुरू भएको हो ।
कार्यक्रममा कर्णाली प्रदेशका मुख्यमन्त्री यामलाल कँडेलले उद्घाटन गरेका थिए ।
कार्यक्रममा डिजिटल कर्णालीको हालको अवस्था, अवसर, सम्भावना र चुनौतीका विषयमा बृहत छलफल हुने जनाएको छ ।
‘इम्पावारिङ द फ्युचर: इन्नोभेसन, कनेक्टिभिटी एण्ड सस्टेनवलिटी’ मुख्य विषयमा केन्द्रित हुने कन्क्लेभमा विभिन्न विधागत रुपमा अन्तर संवाद हुने जनाएको छ । कार्यक्रममा ५० बढी विज्ञहरु राष्ट्रिय र अन्तर्राष्ट्रियस्तरबाट वक्ताको रुपमा सहभागी भएका छन् ।
साथै कार्यक्रमकोआज अन्तिम दिन बुधबार कर्णाली प्रदेशको आन्तरिक मामिला तथा कानुन मन्त्रालयमार्फत डिजिटल कर्णालीका लागि प्रतिबद्धतापत्र समेत जारी हुनेछ ।
प्रतिक्रिया