२२ माघ, नुवाकोट । आगलागीबाट प्रभावित परिवारलाई जिल्ला विपद् व्यवस्थापन समिति र नुवाकोट उद्योग वाणिज्य सङ्घले खाद्य र गैरखाद्य राहत सामग्री वितरण गरेको छ ।
शिवपुरी गाउँपालिका वडा नम्बर-६ स्थित बखती टोलमा सोमबार भएको आगलागी हुँदा स्थानीय रामचन्द्र बखतीको कच्ची घर पूर्णरुपले क्षति भएको प्रहरीले जनाएको छ ।
घर आगलागीबाट क्षति भएकोले तत्काल राहत स्वरुप जिल्ला विपद् व्यवस्थापन समितिका अध्यक्ष एवम् प्रमुख जिल्ला अधिकारी रामकृष्ण अधिकारीले नगद १५ हजार रुपैँया र टेण्ट हस्तान्तरण गरेका छन् ।
यसैगरी नुवाकोट उद्योग वाणिज्य सङ्घका अध्यक्ष राजेन्द्र श्रेष्ठले एक महिनालाई पुग्ने खाद्य सामाग्रीहरु हस्तान्तरण गरेको छ ।
स्थानीयवासी र प्रहरीको सहयोगमा झण्डै चार घण्टामा आगो नियन्त्रणमा लिइएको थियोे ।
प्रतिक्रिया