विदुर – साताव्यापी निजामती दिवस मनाउने क्रममा आज बुधबार निजामती सेवा दिवस मूल समारोह समिति नुवाकोटले रचना वाचन तथा काव्य गोष्ठी गरेको छ ।
समितिको आयोजना जिल्ला प्रशासन कार्यालयमा भएको कार्यक्रममा साहित्यकार तथा पत्रकार डा. नवराज लम्सालले आफ्नो कविता वनमाया मिसको खण्डनसहित वाचन गरेका थिए ।
कार्यक्रममा साहित्यकारहरु उपमहालेखा नियन्त्रक ओमप्रसाद रिजाल, विद्या निर्दोष पहाडी, प्रज्वल अधिकारी, रोशन पुन, सुमित्रा सुमी, रुपा थापालगायत जिल्लाका विभिन्न सरकारी कार्यालयमा कार्यरत कर्मचारीहरुले कविता, गजल, मुक्तक वाचन गरेका थिए ।
कर्मचारी मिलन केन्द्र नुवाकोटका अध्यक्ष तथा वन डिभिजन कार्यालय नुवाकोटका प्रमुख रोशना पोखरेलले यसवर्षको निजामती दिवसमा विभिन्न विधागत १३ वटा कार्यक्रम गरी मनाई रहेको जानकारी दिईन् ।
लेखकको बारेमा
प्रतिक्रिया