विदुर – माध्यमिक शिक्षा उत्तिर्ण परीक्षा, कक्षा १२ को नतिजाअनुसार व्यवस्थापनतर्फ सूर्यगढी गाउँपालिका-४ हिरामणीटार दार्मेका कुञ्जन भट्टराई सर्वोत्कृष्ट ठहरिएका छन् ।
काठमाडौंको डिल्लीबजारमा अवस्थित ट्रिनिटि इन्टरनेशनल कलेजबाट परिक्षामा सहभागिता जनाएका उनले परिक्षाको नतिजामा ३.९६ जिपिए ल्याएका छन् ।
बुबा कुमार भट्टराई र आमा चन्द्रावती भट्टराईको कान्छो सन्तानको रुपमा जन्मेका उनले गाउँकै माउन्टग्लोरी बोर्डिङ स्कुलमा कक्षा ४ सम्म अध्ययन गरेका थिए । उनले कक्षा ५ सामुदायिक विद्यालयतर्फ कुण्डला आधारभूत विद्यालयबाट गरेका थिए ।
उनले भविष्यमा उच्च शिक्षा अर्थशास्त्र वा लेखा चार्टर्ड एकाउन्टेन्ट लिएर पढ्ने इच्छा व्यक्त गरेका छन् ।
उनीसँगै सोहि कलेजमा अध्ययन गर्ने सहारा श्रेष्ठले पनि व्यवस्थापनमा ३.९६ जिपिए ल्याएकी छिन् ।
लेखकको बारेमा
प्रतिक्रिया