नुवाकोट – डेंगी संक्रमण नुवाकोट जिल्लामा पनि फैलिएको छ । चालुआर्थिक वर्षमा विदुर नगरपालिकामा डेंगी रोग संक्रमण बढी देखिएको हो ।
जनस्वास्थ्य कार्यालय नुवाकोटको आयोजनामा आईतबार भएको कार्यक्रममा जनस्वास्थ्य कार्यालयका प्रमुख महेन्द्रध्वज अधिकारीकाले उक्त जानकारी दिएका हुन् । जिल्ला अस्पताल त्रिशूलीमा उपचारका लागि आएका बिरामीमा डेंगी संक्रमण देखिएको हो । अधिकारीकाअनुसार चालु आर्थिकवर्ष २०८०/०८१ मा २५१ जनामा संक्रमण फेला परेको छ । जसमा ११९ महिला र १३२ पुरुषमा डेंगी रोग संक्रमण देखिएको छ ।
संक्रमितमध्ये सबैभन्दा बढी २ सय ३४ जना विदुर नगर पालिका क्षेत्रका रहेका छन् । जसमा १२६ महिला र १०८ पुरुषमा डेंगी रोग संक्रमण देखिएको अधिकारीले जानकारी दिए । उक्त सङ्क्रमण देखिएको सबै बिरामीको त्रिशूली अस्पतालमा परिक्षण गरिएको हो । गत आर्थिक वर्षमा विदुर नगरपालिकामा ३२३ जनामा डेंगी सङ्क्रमण देखिएको थियो ।
यस्तै, यसवर्ष तादी गाउँपालिकामा ९ जना, सुर्यगढी गाउँपालिकामा ४ जना र लिखु गाउँपालिकामा ३ जनामा डेंगी रोग संक्रमण देखिएको छ ।
मौसम लामखुट्टे अनुकुल भएका कारण डेंगी बढ्ने भन्दै सचेत रहन जनस्वास्थ्य प्रमुख अधिकारीले आग्रह गरेको छ।
डेंगी रोग संक्रमण भएको पोथी जातको लमखुट्टेको टोकाइबाट यो रोग सर्ने गर्दछ । यसबाट बच्न झूल लगाएर सुत्ने, साँझ–बिहान कपडा लगाएर मात्र बाहिर निस्कने, खाल्डाखुल्डीमा पानी जम्न नदिने, टायर, बोतल र ड्रम नियमित सरसफाइ गर्ने तथा पानी जम्न नदिए डेंगी रोग सङ्क्रमण रोकथाम गर्न सकिने अधिकारीले जानकारी दिए ।
प्रतिक्रिया