बेलकोटगढीले नगरबासीलाई निःशुल्क रगत उपलब्ध गराउने

डबली खबर     जेष्ठ २३ २०८१ १२:००

belkogadhi nagarpalika
social securities awareness bidur municipality
bagamati province sanchar registrar office

नुवाकोट – बेलकोटगढी नगरपालिकाले नगरबासीलाई निःशुल्क रगत उपलब्ध गराउने भएको छ ।

नगरपालिकाले मङ्गलबार एक सूचना जारी गर्दै नगरबासीले नि:शुल्क रगत पाउने व्यवस्था गरिएको जानकारी दिएको हो ।

नगरपालिकाले नेपाल रेडक्रस सोसाइटी नुवाकोट शाखासँग निःशुल्क रगत उपलब्ध गराउनेबारे सहमति गरेको हो । नगरपालिकाले रेडक्रस शाखामार्फत् सञ्चालनमा रहेको रक्तसञ्चार सेवा केन्द्रसँग सम्झौता गरेर नगरबासीलाई बिरामी पर्दा आवश्यक पर्ने रगत निःशुल्क उपलब्ध गराउन लागिएको नगरप्रमुख जगतबहादुर गुरुङले जानकारी दिए ।

नेपाल रेडक्रस सोसाइटी नुवाकोट शाखाले विदुर नगरपालिका-९ कोलेनीमा रक्तसञ्चार केन्द्र सञ्चालन गर्दै आएको छ ।

साथै, जिल्लाबाहिर रहेका नगरबासीको हकमा भने जहाँ उपचार गर्नुपर्ने हो सोही अस्पताल वा रगत बैंकमा खरिद गरेको बिलको आधारमा केन्द्रमार्फत् शुल्क भुक्तानी गर्न सकिने जनाएको छ ।

जिल्लाका सबै पालिकालाई निःशुल्क रगत उपलब्ध गराउन प्रेरित गरिरहेको नेपाल रेडक्रस सोसाईटी नुवाकोट शाखा सभापति हरी श्रेष्ठ बताउँछन् ।

नगरपालिकाको सूचना

प्रतिक्रिया


nuwakot trishuli graphic web media service 2020

Top