विदुर – नुवाकोट जिल्लाको अग्रणी वित्तिय संस्थामध्ये त्रिशूली बचत तथा ऋण सहकारी संस्था लि. मङ्गलबारदेखि २४ वर्षमा प्रवेश गरेको छ ।
सहकारीले आफ्नो वार्षिकोत्सव विभिन्न कार्यक्रम गरी भव्यताका साथ मनाएको छ । सहकारीले स्थानीय बजार क्षेत्रमा घरदैलो गरी नयाँ वर्ष २०८१ सालको क्यालेण्डर वितरण गरेको छ ।
सदस्य केन्द्रीत सेवा तथा अनिवार्य नियमित बचत विषयमा अन्तरक्रिया गरिएको सहकारीका सचिव राजेश श्रेष्ठले जानकारी दिए ।
विदुर नगरपालिका-५ मा रहेको देवीघाट जेष्ठ नागरिक संरक्षण तथा अध्ययन प्रतिष्ठानका जेष्ठ नागरिकलाई फलफुल वितरण गर्नुको साथै खाद्यान्न वितरण गरिएको सहकारीका प्रबन्धक हरिचन्द्र अमात्यले जानकारी दिए ।
०५६ सालमा स्थापना भएको सहकारीको एक हजार ६७२ सेयर सदस्य रहेको छ । सहकारीको गत आर्थिकवर्षमा ४० करोड ३५ लाखको कुल सम्पत्ति रहेको थियो ।
सहकारीले सदस्य सेवा केन्द्र बेलकोटगढी नगरपालिका–७ महादेवफाँटबाट पनि सेवा दिइरहेको छ ।
प्रतिक्रिया