नुवाकोट – होली पर्वमा जथाभावी रङ दल्ने व्यक्तिलाई कारवाही गरिने भएको छ ।
जिल्ला प्रशासन कार्यालय नुवाकोटले होली पर्वका नाममा जथाभावी रूपमा गैरकानूनी कार्य गर्नेलाई पक्राउ गरी कारबाही गर्न निर्देशन दिएको छ । प्रशासनले सार्वजनिक अपिल जारी गरी कसैको इच्छा विपरीत रङ नदल्न आग्रह गरेको छ ।
सांस्कृतिक पर्व होली मनाउने क्रममा व्यक्तिको धार्मिक तथा सांस्कृतिक मूल्य-मान्यतामा आँच आउने कुनै कार्य नगर्न सहायक प्रमुख जिल्ला अधिकारी तुलसीरमा पौडेलले जानकारी दिए ।
होली मनाउने नाममा इच्छा बिपरित जथाभावी रङ्ग दल्ने, लोला हान्ने, बाटो ढुकेर बटुवालाई रङ्ग लगाउने जस्ता अराजक कार्यहरु नगर्न समेत अनुरोध गरेको छ ।
प्रतिक्रिया