नुवाकोट – पर्यावरणमैत्री कपडाको झोला निर्माणको लागि विदुर नगरपालिकाले सिलाई मेसिन प्रदान गरेको छ ।

बुधबार नगरप्रमुख राजन श्रेष्ठले वडा नं १२ चारघरेमा रहेको महेन्द्र सामुदायिक सिकाई केन्द्रका अध्यक्ष प्रविना लामालाई पाँच थान मेसिन हस्तान्तरण गरेका छन् ।

प्लास्टिकका झोलाको सट्टा कपडाको झोला प्रयोग गर्न आग्रह गर्दै उक्त कपडाको झोला बनाउन सिलाई मेसिन वितरण गरिएको नगरप्रमुख श्रेष्ठले बताए ।

१२ नम्बरका वडा अध्यक्ष उपिन्द्र खड्काले प्लास्टिक मुक्त वडा बनाउन केन्द्रमार्फत् झोला निर्माण गरिन उक्त मेसिन माग गरी प्रदान गरिएको बताए ।

प्लास्टिकको प्रयोगले मानव स्वास्थ्यका साथै पर्यावरणमा प्रतिकुल असर पुग्ने भएकोले झोला निर्माणको लागि मेसिन प्रदान गरिएको जनाएको छ ।