डिहिबजार – सहयोगी बहुद्देशीय सहकारी संस्था लिमिटेडले आफ्ना सदस्य तथा कर्मचारीलाई क्षमता अभिवृद्धि तालिम दिएको छ ।
आज शनिबार भएको एकदिवसीय तालिममा सहकारीका कार्यसमिति, उपसमिति र कर्मचारीलाई सहकारीका विद्यमान सहकारीका चुनौती, समस्यालगायतका विषयमा तालिम दिइएको सहकारीका अध्यक्ष केदारप्रसाद रिजालले जानकारी दिए ।
तालिममा जिल्ला सहकारी संघका पूर्वअध्यक्ष बैकुण्ठ मिश्र र नुवाकोट बचत तथा ऋण सहकारी संस्थाका अध्यक्ष नारायण श्रेष्ठले सहजिकरण गरेका थिए ।
तालिममा जिल्ला सहकारी संघका पूर्वअध्यक्ष मिश्रले सहकारीको इतिहास, सिद्धान्त, ऐन कानुनलगायतका विषयमा प्रस्तुति दिएका थिए । साथै जिल्लाको सहकारीको वर्तमान परिपेक्ष्य, समस्या, चुनौतीबारे प्रष्ट परेका थिए ।
तालिममा नुवाकोट बचत तथा ऋण सहकारी संस्थाका अध्यक्ष श्रेष्ठले सहकारी व्यवस्थापक र कर्मचारीको भूमिकाबारे प्रस्तुति दिएका थिए। श्रेष्ठले व्यवस्थापक, कर्मचारी र लेखा सुपरिवेक्षण समिति सक्रिय भएको संस्थामा सहकारीमा समस्या नहुने बताए ।
प्रतिक्रिया