विदुर – नेपाल जेसीजको अध्यक्षमा नुवाकोटका पूर्व अध्यक्ष रविन पोखरेल विजयी भएका छन् । बुटवलमा भएको संस्थाको ५०औं महाधिवेशनबाट पोखरेल बर्ष २०२४ का लागि अध्यक्षमा निर्वाचित भएका हुन् ।
विद्युतीय निर्वाचन प्रविधि अपनाईएको मतदानबाट पोखरेलले ५१० मत ल्याएर विजयी बनेका हुन् । उनका निकटतम प्रतिस्पर्धी रजनी थापाले ४२६ मत पाएकी थिइन् । ८४ मतान्तरले विजयी बनेका पोखरेलले तीनजना प्रतिस्पर्धीहरु रजनी थापा, विजय गुरुङ र रश्मी शिल्पकारलाइ पराजित गरे ।
कार्यकारीणी उपाध्यक्षमा अनुप सुनुवार, राजाराम गौतम भिम बहादुर कुंवर ,सिनेटर सन्दिप अग्रहरी विजयी भए ।
महासचिव सरोज अधिकारी, कानुनी सल्लाहकारमा नरेश चन्द्र ओझा र कोषाध्यक्षमा खेमराज थापा मनोनित भएका छन ।
उपाध्यक्षमा अमर घिमीरे, सौरभ श्रेष्ठ, राजन शर्मा पौडेल, सिता कुमारी भण्डारी, एलिना महर्जन, बहादुर तामाङ, स्वपना पौडेल भण्डारी, योगेश राजवंशी, घनश्याम चौधरी, नवराज उपाध्याय, गणेश सापकोटा र अच्युत उप्रेती आयुष निर्वाचित भएका छन् ।
प्रतिक्रिया