विदुर – मधुमेह नियन्त्रण गर्न विभिन्न उपाय अपनाउन आग्रह गर्दै नुवाकोटमा विश्व मधुमेह दिवसको अवसरमा प्रभातफेरी गरिएको छ ।
“जोखिम बुझौं, सजगता अपनाऔ” मूल नाराका साथ नेपाल रेडक्रस सोसाईटी नुवाकोट र जिल्ला सामुदायिक आँखा केन्द्रको संयुक्तरुपमा शुक्रबार देवीघाट क्षेत्रमा प्रभातफेरी र सचेतना कार्यक्रम गरीएको रेडक्रस सभापति हरि श्रेष्ठले जानकारी दिए । मधुमेहले आँखामा पार्ने असरबारे सचेतना सप्ताहव्यापी कार्यक्रम अन्तर्गत प्रभातफेरी आयोजना गरिएको उनले बताए ।
कार्यक्रमका देवीघाट जेष्ठ नागरिक संरक्षण तथा अध्ययन प्रतिष्ठान र सहिद प्रकाश जंग शाह संस्कृत माध्यमिक विद्यालयले सहयोग गरेका थिए । प्रभातफेरी जेष्ठ नागरिक आश्रमदेखि देवीघाट बजार परिक्रमा गरी टुङगिएको थियो।
कार्यक्रममा मधुमेहको बारेमा जिल्ला सामुदायिक आँखा केन्द्रका इञ्चार्ज ताराबहादुर वाईवाले सचेतनामुलक जानकारी दिदैं आमनागरिकले नियमित रुपमा आँखा चेकजाँच गर्ने र महुमेहको बारेमा आफ्नो स्वास्थ्य सन्दर्भमा चनाखो हुनुपर्ने सल्लाह दिए ।
प्रभातफेरिमा सहभागीहरुले मधुमेह रोगका सम्बन्धमा जनचेतना जगाउने प्लेकार्डहरु प्रर्दशन गरेका थिए । प्रभातफेरिमा रेडक्रसका पदाधिकारी, नागरिक समाज, विद्यार्थी, स्थानीय लगायतको सहभागिता रहेको थियो।
प्रतिक्रिया